ГОСАНСАМБЛЬ ПЕСНИ И ТАНЦА РЕСПУБЛИКИ ТАТАРСТАН ВОЗРОДИТ ПЕРВЫЙ ТАТАРСКИЙ ЭТНО-МЮЗИКЛ

«Без куелышны яңартып, аңа хәзерге заман күзләре белән карарга телибез. «Җиде мәрҗән. Халык хәтере» — ул кешелек кыйммәтләре, үз-үзеңне табу һәм һәркемнең тормышында гаиләнең әһәмияте турындагы хикәят. Куелыш аша без тамашачыга дөнья ыгы-зыгысында үзеңне югалтмауның мөһимлеген җиткерергә телибез. Бу бары тик үз халкың, мәдәниятең, гореф-гадәтләрең белән тыгыз бәйләнештә генә мөмкин», — дип саный ансамбльнең сәнгать җитәкчесе, РФнең атказанган, ТРның халык артисты Айрат Хәмитов.

Рамайның формалашуы сюжет аша гына түгел, бию аша да күзәтеләчәк. Спектакль барышында заманча хореография милли чыганакларга «әйләнеп кайтканчы» трансформалашачак.

Мюзикл өстендә эшләргә яшь һәм перспективалы режиссер-куючылар Лия һәм Антон Гыйсмәтулловлар алына. Тамашачыларга алар Казан циркының БРИКС саммитында тәкъдим ителгән «Азия кайтавазы» тамашасы буенча таныш, 

«Аларны институтта укыганда ук үзем өчен билгеләп куйдым, мин анда халык бию мәдәнияте кафедрасы мөдире идем. Аларның һәнәри яктан формалашуын күзәтү кызык иде, фикер йөртүләре миңа якын. Хәзер алар үстеләр, минем хезмәттәшләрем булдылар. Мин аларны үзебезгә эшләргә чакыруыма бик шатмын. Яшьләргә һәрвакыт юлыбыз ачык, өлкәннәргә һәрвакыт зур хөрмәтебез»,— дип йомгаклады Хәмитов.

Концертның икенче бүлеге спектакльдәге төп фикернең дәвамы булачак. Тамашачылар  милли хореографик номерларны күрәчәк һәм ансамбльнең алтын фондындагы моңлы җырларны ишетәчәк.

Профессиональ артистлар чыгышына ТР Дәүләт быр һәм бию ансамбле каршындагы Балалар вокаль-хореографик студиясенең яшь артистлары да кушылачак.

Казандагы премьерадан соң ТР Дәүләт җыр һәм бию ансамбле яңа мюзиклны республикабызның шәһәр-авылларында, шулай ук Россия шәһәрләрендә күрсәтергә планлаштыра.