TAT

Баш/Новости подробно/2 АПРЕЛЬДӘ ТАТАРСТАН РЕСПУБЛИКАСЫ ДӘҮЛӘТ ҖЫР ҺӘМ БИЮ АНСАМБЛЕ УФАДА ЧЫГЫШ ЯСЫЙ

ГОСУДАРСТВЕННЫЙ АНСАМБЛЬ ПЕСНИ И ТАНЦА РЕСПУБЛИКИ ТАТАРСТАН ВЫСТУПИТ В УФЕ

2 апрельдә шәһәр Мәдәният сараенда (Уфа шәһәре) Татарстан Республикасы Дәүләт җыр һәм бию ансамбле үзенең «Хәзинә» исемле концерт программасын тәкъдим итә. Бу кичәдә тамашачылар татар сәнгатенең милли җәүһәрләре булган әсәрләребезнең күңелле җырлар һәм шаян биюләр белән бергә үрелеп баруыннан зур ләззәт алачак.

«Башкортстанның гүзәл башкаласына безнең беренче сәфәребез генә түгел. Без бу юлы күршеләребезне нәрсә белән сөендерербез икән дип озак уйландык. Аларга елмаю һәм шатлык бүләк итәргә булдык. Безнең алтын фондыбызның җырлары һәм биюләреннән башка да булмаячак. Тамашачыны бай татар мәдәнияте белән таныштыру — безнең төп миссиябез», — дип сөйләде ансамбльнең сәнгать җитәкчесе, РФнең атказанган, ТРның халык артисты Айрат Хәмитов.

Концертның беренче бүлегендә тамашачылар «Аулак өйдә» вокаль-хореографик композициясен караячаклар. Яшь егет-кызларның шаян җырлары-биюләре белән сугарылган күңелле программада татар халкының милли үзенчәлеге аеруча тулы чагылыш тапкан. Биредә уеннар да, шаяру-такмазалар да, музыка да, биюләр дә, гореф-гадәтләр дә, милли костюмнар да, татар халкының декоратив-гамәли сәнгате дә бар.

«Аулак өйдә» – татар һәм башкорт халкының, аларның мәдәниятләре һәм гореф-гадәтләре якынлыгының ачык мисалы. Чөнки нәкъ менә башкорт хореографы һәм балетмейстеры Фәйзи Гаскәров бу композицияне Татарстан композиторы Александр Ключарев музыкасына сәхнәләштергән. Ә әсәрнең нигезендә татар язучысы һәм шагыйре Нәкый Исәнбәт либреттосы ята.

Икенче бүлектә тамырлары белән халык иҗатына барып тоташкан бай тарихлы номерлар тәкъдим ителде. Тамашачылар «Зөбәрҗәт», «Сибелә чәчәкне», «Картуф» һәм «Күн авылы көе » җырларын ишетерләр. Ә шаян «Кызлар биюе», «Казан кызлары биюе», «Гармун-гармун», «Егетләр биюе» тамашачыларны милли хореография үзенчәлекләре белән таныштырыр.

Әгәр мәдәниятнең йөрәге бар икән, татар мәдәниятенең йөрәге Татарстан Республикасының Дәүләт җыр һәм бию ансамбле иҗатында тибә. Бу профессиональ коллектив татар халкының традицияләрен һәм гамәли сәнгатен саклый, иҗади яктан баета һәм тамашачыларга җиткерә.

Ансамбльнең концерт программаларында хикәятләр һәм риваятьләр, лирик поэмалар, музыкаль спектакльләр һәм халык мюзикллары бар. Нәкъ менә шуңа күрә Татарстан дәүләт җыр һәм бию ансамбленең һәр концерты – һәрвакыт зур мәдәни вакыйга. Мондый чараларны үткәрү «Гаилә» милли проектының «Гаилә кыйммәтләре һәм мәдәният инфраструктурасы» федераль проекты максатларына һәм бурычларына туры килә.

Концерт 19:00 сәгатьтә башлана.

Билетлар сатып алу өчен сылтама: https://ufa.kassy.ru/events/koncerty-i-shou/2-22792/

Дата публикации: 13.03.2025

Дәүләт бюджет мәдәният учреждениесы
«Татарстан Республикасы Дәүләт җыр һәм бию ансамбле»

420111, Россия Федерациясе, Татарстан Республикасы, Казан шәһәре, Островский урамы, 2 йорт

+7 (843) 292 53 44

gapit@yandex.ru

ОГРН: 1021602861840

ИНН: 1653011480

Политика конфиденциальности

Этот сайт использует файлы cookie и метаданные. Продолжая просматривать его, вы соглашаетесь на использование нами файлов cookie и метаданных в соответствии с Политикой конфиденциальности (согласно категориям и целям обработки ПД, поименованным в п. 4.3)

Продолжить

Megagroup.ru