ГОСУДАРСТВЕННЫЙ АНСАМБЛЬ ПЕСНИ И ТАНЦА РТ ЖИТЕЛЯМ СЕЛА АЛАН ПОДАРИЛ НАСТОЯЩИЙ ПРАЗДНИК
Сәхнәдә Сөләйман Йосыпов репертуарыннан ансамбль солистлары башкарган җырлар, шулай ук коллективның алтын фондын тәшкил иткән классик әсәрләр яңгырады. Тамашачыларны битараф калдырмаган матур җырлар һәм дәртле биюләр бәйрәм кәефе тудырды.
Чараның тантаналы өлешендә рәсми кунаклар чыгыш ясады. Татарстан Республикасы Дәүләт Советы депутаты Хаҗиев Нәҗип Нәкыйп улы, Теләче муниципаль районы Башкарма комитеты җитәкчесе Хәмидуллин Илнур Хаҗинур улы һәм Татарстан Республикасы Теләче муниципаль районы якташлыгының «Якташлар» төбәк иҗтимагый оешмасы рәисе Даутов Ирек Фәрит улы барлык катнашучыларны әлеге зур вакыйга белән котладылар һәм Сөләйман Йосыповның мәдәният үсешенә керткән өлешенең әһәмиятен ассызыкладылар.
Чарада җырчының улы Шамил Сөләйманов һәм кияве Ринат Габдрахманов катнашты, Алар үзләренең атаклы туганы турында истәлекләре һәм җылы сүзләре белән уртаклаштылар.
Сөләйман Йосыповның 100 еллыгына багышланган концерт шыгрым тулы зал белән узды. Тамашачылар бәйрәм вакытында матур хис-тойгылар кичерергә этәргеч биргән өчен артистларга көчле алкышлар аша рәхмәтләрен белдерделәр.
Фото авторы Илнур Вәлиуллин.
«Татарстан Республикасы Дәүләт җыр һәм бию ансамбле»
Megagroup.ru