21 март көнне Габдулла Тукай исемендәге Татар дәүләт филармониясе чын могҗиза урынына әверелде – сәхнәдә татар көйләре һәм Себер ритмнары бергә кушылды. Татарстан Республикасы Дәүләт җыр һәм бию ансамбле һәм Михаил Годенко исемендәге Себер бию ансамбле сәнгатьнең чикләр булмавын исбатлап, тамашачыларга онытылмаслык кичә бүләк иттеләр.
Һәрбер куелыш үзенә күрә бер кечкенә генә ачылышка әверелде. Артистлар тамашачыларга үзләренең бар күңел җылысын биреп биеделәр һәм җырладылар. Ә зал аларга соклану хисләре һәм озакка сузылган көчле алкышлар белән җавап бирде.
Бу концерт халыкларның бердәмлеге лозунг түгел, ә үз мәдәниятенә гашыйк булып, аны башкалар белән уртаклашырга әзер торган кешеләр тудырган чынбарлык икәненең тагын ачык дәлиле булды!