МОСТ К ТРАДИЦИЯМ: АНСАМБЛЬ ТАТАРСТАНА ПРИВИВАЕТ ЛЮБОВЬ К НАРОДНОМУ ИСКУССТВУ ЧЕРЕЗ «ПУШКИНСКУЮ КАРТУ»

Татарстан Республикасы Дәүләт җыр һәм бию ансамбле яшь буынга милли мәдәниятебезгә мәхәббәт тәрбияләү хезмәтен дәвам итә. «Пушкин картасы » программасы кысаларында коллектив мәктәпләрдә һәм гимназияләрдә даими чыгыш ясый, халык сәнгате белән танышуны җанлы, эмоциональ вакыйгага әйләндерә.

Шушы көннәрдә ансамбль артистлары Казанның Мәскәү районындагы «Ж.К. Зайцева исемендәге 122нче гимназия»  укучыларына һәм укытучыларына матур бәйрәм бүләк иттеләр. Балалар өчен бу концерт кына түгел, ә гореф-гадәтләребезнең чыганагына чын сәяхәт булды: музыка, бию һәм сәхнә хәрәкәте аша укучылар төрле халыкларны берләштергән күп гасырлык мәдәниятне күрә алдылар.

«Без бергә»  программасы аша яшьләрнең йөрәкләренә күпер салына: ул милли сәнгатьне яшь тамашачыларга якынайтырга, аларда ата-бабаларыбыз мирасы белән горурлану һәм үз мәдәниятен чын күңелдән ярату хисе уятырга ярдәм итә. Гимназиядә коллективның җылы кабул ителүе – бу эшнең балалар һәм яшүсмерләр күңелендә чагылыш табуын раслый.

Гимназия укучыларына, укытучыларына эчкерсез хисләре һәм ихлас күңелдән кабул итүләре өчен рәхмәтебезне белдерәбез! Без бергәләп гореф-гадәтләребезне саклыйбыз һәм яшь буынга тапшырабыз.