ОЛЫ ЮЛ БАШЫ: ТР ДӘҮЛӘТ ҖЫР ҺӘМ БИЮ АНСАМБЛЕ БАШКОРТСТАНДА ГАСТРОЛЬЛӘР КЫСАЛАРЫНДА БЕРЕНЧЕ КОНЦЕРТЫН БИРДЕ

16 апрель көнне Октябрьск музыка көллиятенең концертлар залы чын сәнгать бәйрәме урынына әверелде: биредә «Халкыбызның мирасы» идип аталган гастроль турының беренче концерты булды.

Гастрольләр «Росконцерт» федераль дәүләт бюджет мәдәният оешмасы ярдәмендә «Без — Россия» федераль программасы кысалары буенча Россия Федерациясе Мәдәният министрлыгының Бөтенроссия гастроль-концерт планы нигезендә оештырылды.

«Халкыбызның мирасы» программасы – традицияләрнең җанлы елъязмасы: анда ансамбль осталары озак еллар кадерләп саклаган сәнгатьле хореография, тирән мәгънәле җырлар белән бергә үрелеп бара. Һәр номер – күп гасырлык мәдәнияткә хөрмәт, буыннар бәйләнешенең һәм халкыбыз сәнгатенең көчен тою мөмкинлеге.

Тамашачылар артистларны җылы каршы алды, ә зал бердәмлек һәм ихлас соклану атмосферасы белән тулы иде. Алда коллективны яңа шәһәрләрдә тамашачылар белән яңа очрашулар көтә, аларга ансамбль үз йөрәгенең бер өлешен һәм милли традицияләрнең байлыгын бүләк итәргә әзер.