ЮБИЛЕЙ УҢАЕННАН ТР ДӘҮЛӘТ ҖЫР ҺӘМ БИЮ АНСАМБЛЕ ӘШЕВАН АВЫЛЫНДА ЯШӘҮЧЕЛӘРНЕ КОТЛАДЫ

Омск өлкәсе Усть-Ишим районының Әшеван авылы истәлекле датаны — нигез салынуга 800 ел тулуны билгеләп үтә. Юбилей уңаеннан районның тарихи үзәгендә авыл халкын һәм кунакларны берләштергән тантаналы чаралар циклы булып узды.

20нче июльдә урта мәктәп территориясендә мөһим вакыйга булды — бөек татар шагыйре Габдулла Тукайга һәйкәл ачылды. Һәйкәл ачу шагыйрь иҗатына хөрмәт күрсәтү генә түгел, ә милли традицияләрне һәм рухи мирасны саклау символы да булып тора.

Бәйрәм вакыйгаларының кульминациясе булып Татарстан Республикасы Дәүләт җыр һәм бию ансамбле концерты булды. Программа тамашачыларга онытылмаслык хис-кичерешләр бүләк итте һәм татар сәнгатенең биниһая зур байлыгын күрсәтте. Концерт Бөтендөнья татар конгрессы ярдәме белән узды һәм юбилейда катнашучылар өчен чын бүләк булды.

Әшеван авылының 800 еллыгын бәйрәм итү — буыннар арасындагы җанлы бәйләнеш һәм тарихи хәтернең кыйммәтен тану!